Мінская абласная бібліятэка імя А.С. Пушкіна з радасцю запрашае ўсіх аматараў прыгожага на юбілейную выставу жывапісу Святланы Раманавай «З глыбінь крынічных…»

Выстава «З глыбінь крынічных…» – гэта асаблівы свет, дзе жыве цішыня і дыхае святло. Тут фарбы ператвараюцца ў мову пачуццяў, дзе кожны мазок –  як водгук сэрца, а кожны пейзаж –  як малітва роднай зямлі.

Святлана Раманава – мастачка, чыё творчае слова выказваецца не праз гукі, а праз фарбы, святло і дотык да душы. У яе творах адчуваецца невымоўная любоў да Беларусі –  да яе палёў і азёраў, да цеплыні восеньскага сонца, да святла, што ляжыць на старажытных дахах і ў люстэрках вады. Гэта жывапіс, які нібы спыняе час, дазваляючы гледачу зазірнуць у самыя глыбіні чалавечай душы –  у тыя крыніцы, адкуль пачынаецца ўсё чыстае і сапраўднае.

Прыходзьце, каб дакрануцца да мастацтва, што ідзе з крынічных глыбінь душы, каб адчуць, як праз колер і святло можна сказаць тое, што не вымавіць словамі. Магчыма, менавіта тут вы знойдзеце свой адбітак у водбліску чыстай вады, у цішыні палатна, у шэпце фарбаў, якія гавораць пра вечнае.

Урачыстае адкрыццё юбілейнай выставы жывапісу Святланы Раманавай «З глыбінь крынічных…» адбудзецца 12 лістапада 2025 года ў 16:00 у Мінскай абласной бібліятэцы імя А.С. Пушкіна па адрасе: вул. Гікалы, 4 (другі паверх). Уваход вольны.

Матэрыял падрыхтаваны аддзелам маркетынгу і сацыякультурнай дзейнасці.